“Барса” ва “Реал” бирга ғалати рекорд ўрнатди

Испания чемпионатининг 35-турида “Реал” футболчилари “Камп Ноу”да “Барселона” меҳмони бўлди. Бу учрашувда каталонияликлар ирода кўрсатиб, 4:3 ҳисобида ғалаба қозонди.

Opta Sports маркази тадқиқотчилари бу беллашувдан кейин ҳар икки жамоа “эл класико”ларда эътиборга молик кўрсаткич қайд этгани маълум бўлди. Қудратли клубларнинг охирги 18 та беллашувида улар бирор маротаба бўлса ҳам дуранг ўйнамаган. Бу “эл класико” тарихидаги энг усун серия ҳисобланади.

“Барселона” мадридликларга қарши охирги 18 та учрашувдан саккизтасида зафар қучган. Эътиборлиси, охирги кетма-кет тўрт ғалаба шу мавсум қўлга киритилди.

“Реал” вакиллари эса, бу муддат ичидаги ўзаро беллашувларда ўн бор устунлик қилгани қайд этилган.