“Барса” яна бир неча ўйинчиларидан воз кечишга мажбур

“Барселона” мутасаддилари бир неча йилдан бери клубнинг моливий ҳолатини тўлиқ ўнглай олмаяпти.

Sport нашрининг таъкидлашича, каталонияликлар ёзги трансферлар вақтида яна бир неча ўйинчиларини сотиб юборишга мажбур бўлади.

Манбага кўра, “Барселона”нинг харажатлари Ла Лига томонидан белгиланган лимитдан 270 миллион еврога ўтиб кетган. Бу ёзда клуб  камида битта қимматбаҳо ўйинчини сотиб юборишига тўғри келишидан далолат беради.

Клуб раҳбарияти “Брайтон”га ижарага берилган Ансу Фати мавсумни яхши ўтказиб, уни тўлиқ трансфер қиладиган жамоа топишига умид қиляпти.

Каталонияликлар “Жирона”га ижарага жўнатилган ҳимоячи Эрик Гарсияга ҳам яхши харидор чиқишини кутяпти.

Қолаверса, “Барселона” ёзда яна бир неча ўйинчини трансферга қўйишни режалаштиргани айтиляпти.