“Барса” ярим ҳимоячисига А сериянинг 4 клуби даъвогар

"Барселона" ярим ҳимоячиси Миралем Пьянич тез орада Каталония клубини тарк этиши мумкин. Олдинроқ жамоа раҳбарияти футболчи билан хайрлашишга қарор қилганди. Боиси, “кўк-анорранглилар” ёзда таркибини кучайтирди ва босниялик футболчи асосий таркибдан жой олиши сўроқ остида қолмоқда.

“Fichajes” нашри хабарига кўра, футболчига "Ювентус", "Милан", "Наполи" ва "Фиорентина" қизиқиш билдирмоқда.

Пьянич ўтган мавсумни "Бешиктош"да ўтказган. У Туркия чемпионати доирасидаги 26 ўйинда майдонга тушиб, 4 та голли узатма амалга оширган.

Унинг "Барселона" билан шартномаси 2024 йилнинг июнига қадар амал қилади. “Transfermarkt” портали ярим ҳимоячини 11,5 миллион еврога баҳоламоқда.