“Барса” ёзда “Сити” ўйинчисини олади. У ким экан?
“Барселона” бош мураббийи Ханс-Дитер Флик жамоа таркибини кучайтириш мақсадида “Манчестер Сити”нинг ҳужумкор футболчиси Жереми Докуни нишонга олди.
El Nacional нашрининг ёзишича, 22 ёшли бельгиялик футболчи ҳозирги жамоасида ўзига берилаётган ўйин вақтидан норози ва ёзда клубни тарк этишга қарши эмас.
“Шаҳарликлар” ҳам 2023 йилнинг ёзида 60 миллион еврога трансфер қилинган футболчи бўйича таклифларни кўриб чиқишга тайёр.
Экспертларнинг маълум қилишича, манчестерликлар Доку бўйича 60 миллион евродан бошланган ҳар қандай таклиф бўйича музокарага киришади. Клуб истеъдодли ўйинчини кейинчалик сотиб олиш ҳуқуқи билан ижарага беришга ҳам рози экани айтилмоқда.
Жереми Доку жорий мавсумда барча турнирларда 23 та учрашув ўтказиб, олтита гол ва еттита ассист қайд этди. Манчестерликлар январда Умар Мармушни олиб келганидан кейин бельгиялик ўйинчининг келажаги сўроқ остида қолмоқда.
Фикрлар