“Барса” юлдузига Англиядан таклиф бўляпти

Тажрибали ўйинчига Анлиянинг энг бадавлат клубларидан ҳисобланган “Ньюкасл Юнайтед” раҳбарияти жиддий қизиқиш билдирмоқда.

Ўтган мавсум “Барселона”нинг Испания чемпионатида ғолиб чиқишига катта ҳисса қўшган бразилиялик ҳужумкор футболчи Рафинья Диас фаолиятини  Англия Премьер-лигасида давом эттириши мумкин.

Агар Каталония суперклуби келаси ёзги трансферлар даврида 28 ёшли футболчини сотишга кўнса, “қарғалар” уни трансфер қилиш имконини қўлдан чиқармайди. Экспертларнинг  таъкидлашича, “Барселона”нинг молиявий аҳволи асосий ўйинчилардан бирини сотиб юборишни талаб этмоқда ва бу борада Рафинья биринчи номзод.

Рафиньянинг клуб билан шартномаси 2028 йилнинг ярмигача давом этади. Бу ўйинчи 2022 йилнинг ёзида 58 миллион еврога трансфер қилингунга қадар Англия, Франция, Португалия чемпионатларида тажриба оширган.