“Барса” юлдузини катта маош билан “қармоққа” илинтиришмоқчи

“Челси” ёзги трансферлар якунлангунича “Барселона” плеймейкери Френки де Йонгни ўз сафига қўшиб олишга ҳаракат қилади.

Томас Тухель нидерландиялик ўйинчини қўлга киритиш фикридан қайтгани йўқ. Манбаларнинг таъкидлашича, лондонликлар Френки де Йонгни Англияга келишга кўндириш учун унинг агентлари билан боғланиб, футболчига бир мавсум учун 18 миллион евро маош таклиф қилди.

Бу сумма орқали улар Френки де Йонг фикрини ўзгартиришга уринмоқда. Плеймейкернинг ўзи “Барселона”дан кетмаслигини таъкидлаган эди.

Каталонияликлар эса бу ярим ҳимоячини тезроқ сотиб юбориб, камида 85 миллион евро ишлаб олишни истаяпти. Балки 18 миллион евролик маош де Йонгни Англияга етаклар.