"Barsa" zo'r himoyachi bo'yicha muzokaralarni qayta boshladi

«Leyptsig» jamoasida to‘p surib kelayotgan himoyachi Kastello Lyukeba yana «Barselona» skautlari e’tibor markazida. Bu haqida Ispaniya ommaviy axborot vositalari xabar tarqatdi.

Ma’lumotlarga ko‘ra, Kataloniya klubi fransuz futbolchisini sotib olish bo‘yicha muzokaralarni qayta boshlagan. «Leyptsig» o‘z navbatida Lyukebani 40–50 million yevro atrofidagi summa evaziga qo‘yib yuborishga tayyor ekani aytilmoqda.

Kastello Lyukebaning amaldagi shartnomasi 2029 yil yozigacha mo‘ljallangan. Shu bois «Barselona» rahbariyati haligacha bunday katta mablag‘ni to‘lashga arziyidimi-yo‘qmi, degan savol ustida o‘ylab ko‘rmoqda.