“Barsa”da ikkita katta yo‘qotish

“Barselona” yangi mavsum boshlanishi arafasida katta yo‘qotishga duch keldi. Ma’lumotlarga qaraganda, Xans-Diter Flik chempionat starti ikki nafar himoyachi xizmatidan foydalana olmaydi.

Urugvay terma jamoasi safida Amerika kubogida ishtirok etayotgan Ronald Arauxo jarohat oldi. Mutaxassislarning ta’kidlashicha, markaziy himoyachi ikki oy atrofida maydonga tusha olmaydi.

Jurnalist Xavi Migelning ma’lum qilishicha, “Barselona” chempionatni iqtidorli himoyachi Pau Kubarsisiz boshlashga majbur.

Ispaniya terma jamoasi safida Parijdagi yozgi Olimpiya o‘yinlarida ishtirok etadigan futbolchi bir oyga yaqin klub ixtiyorida bo‘lmaydi.

“Barselona” La Liganing yangi mavsumidagi ilk uchrashuvini 17 avgust kuni safarda “Valensiya”ga qarshi o‘tkazadi.

Eslatib o‘tamiz, Ispaniya terma jamoasi Olimpiya o‘yinlarining guruh bosqichida O‘zbekiston terma jamoasi bilan bir guruhda o‘ynaydi. 24 iyulga belgilangan birinchi turda  bu ikki terma jamoa futbolchilari o‘zaro kuch sinashadi.