“Барса”ни енгган мураббий катта гапириб қўйди

Испания чемпионатининг 13-турида “Реал Сосьедад” ўз мухлислари кўз ўнгида мусобақада пешқадамлик қилаётган “Барселона”ни 1:0 ҳисобида енгди.

Учрашувдан кейин ғолиб жамоа бош мураббийи Иманол Альгуасиль учрашув ҳақидаги фикр-мулоҳазалари билан ўртоқлашди.

- Менга ўйинчилар қандай курашгани жуда ёқди. Учрашув мазмун-моҳиятидан келиб чиқиб, ғар қандай натижада ҳам шогирдларим ўйинидан фахрланган бўлардим. Лекин биз ғалаба қозонишни истаган эдик.

Футболчиларимиз ва мухлисларимиз стадионни мамнун ҳолда тарк этди.

“Барселона”нинг бекор қилинган голи ҳақида нима дейишим мумкин? Тўғриси, видеотакрорни ҳали кўрганим йўқ, лекин рақиб мағлубиятга лойиқ экани аниқ.

Чунки биз бутун учрашувни олиб қараганда, яхшироқ ўйнадик. Бу мутлақ ҳаракатга яраша натижа ва адолатли ғалаба бўлди, - деди Иманол Альгуасиль.