“Барса”ни орзу қилганим хато экан!

Мадриднинг “Атлетико” клуби ҳужумчиси Хулиан Альварес клубни тарк этиш истаги ҳақидаги сўзлари учун жамоадошларидан кечирим сўради.

Cadena SER нашрининг хабар беришича, аргентиналик футболчи “Барселона” ўзига қизиқиш билдирган бир пайтда жамоасини ўзгартириш нияти ҳақида қилган баёноти хато бўлганини тан олган.

Манба маълумотларига кўра, Альварес жамоадошлари билан суҳбатда ҳам мазмун, ҳам шакл жиҳатидан ноҳақ бўлганини тан олди, шунингдек, “Атлетико”га садоқати ҳамма нарсадан устун эканини билдирди. Нашр талқинига кўра, ҳужумчи “Барселона” билан музокаралар чўзилиб кетгани фонида вазиятга кўника бошлагандек.

Қайд этилишича, Альвареснинг баёноти “Атлетико”га содиқ эканини ва бу футболчининг Мадридни тарк этиш истаги йўқолганини англатмайди.