"Barselona", "Manchester Siti" va "Chelsi"ning e’tibori bir futbolchida!

APLning ikki grandi - “Chelsi” va “Manchester Siti” Argentinaning “River Pleyt” klubi hujumchisi Klaudio Echeverriga jiddiy qiziqib qoldi. Bu haqda mashhur insayder Fabritsio Romano o‘zining ijtimoiy tarmoqdagi sahifasi orqali ma’lum qildi.

Manbaga ko‘ra, 17 yoshli argentinalik futbolchiga “Barselona” ham xaridor. Biroq moliyaviy muammolar tufayli Kataloniya klubi hozircha uni sotib ololmaydi.

Ma’lumot uchun, Echeverri “River Pleyt” klubi tarbiyalanuvchisi hisoblanadi. Uning klub bilan amaldagi shartnomasi 2024 yilning dekabriga qadar imzolangan. Transfermarkt portali uni 4 mln evroga baholamoqda.

Echeverri joriy mavsum 5 ta o‘yinda maydonga tushdi va 1 ta golli uzatmaga mualliflik qildi.