"Барселона" 2011 йилдан бери кетма-кет икки мавсумда Суперкубокни қўлга киритган биринчи жамоа бўлди

Каталониянинг "Барселона" клуби сўнгги 15 йил ичида кетма-кет икки марта Испания Суперкубогини қўлга киритган илк жамоага айланди. Бу ҳақда Stata Football  хабар бермоқда.

Бир кун аввал, 11 январь куни "Барселона" ва "Реал" ўртасида Суперкубок учрашуви бўлиб ўтди. Жамоалар Саудия Арабистонининг Жидда шаҳридаги "King Abdullah Sports City" стадионида ўйнашди. Учрашув бош ҳаками сифатида Хосе Мунуэра Монтеро ишлади. 3:2 ҳисобидаги ғалабани кўк-анорранглилар нишонлади.

Шу тариқа "Барселона" ўз тарихида 16-марта мамлакат Суперкубогини қўлга киритди. Ўтган йилги финалда "блауграна" Мадриднинг "Реал" клубини 5:2 ҳисобида мағлуб этган эди.