Каталониянинг "Барселона" клуби мавсумлар оралиғида бир қатор футболчиларини сотишга тайёрланмоқда.

Mundo Deportivo нашри тарқатган хабарга кўра “кўк-анор ранглилар” раҳбарияти аллақачон Андре Гомеш, Яспер Силессен, Денис Суарес, Нельсон Семеду ва Малкомларнинг трансфери борасида расмий таклиф олишган.

Бироқ, ҳозирча бразилиялик вингер Филиппе Коутиньо масаласида “Барселона”га ҳеч қандай таклиф келиб тушмаган. Эслатиб ўтиш лозимки, бундан аввалроқ 26 ёшли бразилиялик футболчи клуб раҳбариятидан ўзини трансферга қўйишни сўрагани ҳақида хабарлар тарқалган эди.