"Барселона" 60 миллион евролик футболчини "рассрочка"га олмоқчи

"Барселона" ўз таркибини ярим ҳимоячи билан кучайтирмоқчи.

Маълум бўлишича, каталонияликлар "Реал Сосьедад" вакили Мартин Субимендининг хизматига қизиқиш билдиряпти. Эътиборлиси, жамоа футболчининг трансфер суммасини бўлиб-бўлиб тўлашни истамоқда. "Кўк-анорранглилар" уни "Вулверхэмптон" аъзоси Рубен Невешга ўринбосар сифатида кўряпти.

Бироқ сан-себастьянликлар бунга қарши. Клуб раҳбарлари Мартин учун 60 миллион еврони дарҳол тўлашни талаб қилмоқда. 

23 ёшли ярим ҳимоячи "Сосьедад" тарбияланувчиси ҳисобланади. У жорий мавсум 17 учрашувда майдонга тушиб, ўз ҳисобига 1 гол ва 2 ассистни ёздириб қўйишга муваффақ бўлган.