"Барселона" Аргентинадан супер истеъдодли ярим ҳимоячи топди

Аргентинанинг "Ривер Плейт" клуби ярим ҳимоячиси Франко Мастантуоно фаолиятини Испания чемпионатида давом эттириши мумкин. "Sport" нашрининг хабарига кўра,  "Барселона" 16 ёшли вундеркиндни ўз сафига қўшиб олишга ҳаракат қилмоқда.

Франконинг шартномасида 25 миллион евро товон пули мавжуд. Аргентиналик футболчи марказий ярим ҳимояда ва ўнг қаноти ҳужумида ҳаракат қилади. Мастантуоно 2019 йилдан бери "Ривер Плейт" шарафини ҳимоя қилиб келмоқда.

Жорий мавсумда у барча мусобақаларда саккизта ўйин ўтказиб, битта гол урди. Футболчининг меҳнат шартномаси 2025 йилнинг ёзига қадар амал қилади.