“Барселона”: Бартомеу ғазабда!

“Барселона” президенти Бартомеу ярим ҳимоячи Артурнинг жамоа ихтиёрига етиб келмаганидан ғазабланмоқда.

- Артурнинг қилган иши, аввало жамоадошларига ва клубга ҳурматсизликдир. Чунки клуб Чемпионлар лигасида муваффақият қозониши керак. Муҳим мусобақа олдидан ўйинчининг сафга қайтмаслиги ҳеч қайси мантиққа тўғри келмайди. Буни ҳеч қанақасига оқлаб бўлмайди.

Биз у билан Чемпионлар лигаси якунигача “Барселона” ихтиёрида бўлишига келишиб олгандик. Бу ҳам чемпионат, ҳам Чемпионлар лигасига тегишли эди. Артур жамоада ўз ўрнига эга ва ғалаба учун ёрдам беришга қодир футболчи. У қисқа танаффусдан кейин Каталонияга қайтмади. Қўнғироқ қилиб, Бразилияда эканини ва келмаслигини айтди холос, - деди Бартомеу.

Артур янги мавсумни “Ювентус” таркибида бошлайди. “Барселона” уни туринликлар плеймейкери Миралем Пьяничга алмаштирган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)