"Барселона" "Бавария"нинг ғалабали сериясига нуқта қўя оладими?

"Бавария" УЕФА Чемпионлар лигаси 1/8 финал босқичида икки ўйин натижасига кўра "Челси"ни 7:1 ҳисобида мағлубиятга учратди.

Эътиборлиси, Флик шогирдлари шу тариқа жорий мавсум кетма-кет 18-ўйинда зафар қучишди. Энди эса ЕЧЛнинг чорак финалида уларни жиддий рақиб кутмоқда. Аниқроғи, 14 август куни мюнхенликлар Лиссабонда “Барселона”га қарши майдонга тушишади. Ғолиб жамоа ярим финал йўлланмасига эга бўлади.

“Бавария” якунланган мавсум Бундеслигада чемпионликни қўлга киритди.