"Барселона" "Бенфика"нинг энг яхши тўпурарига қизиқмоқда

«Барселона» грек ҳужумчиси Вангелис Павлидиснинг ўйинларини яқиндан кузатмоқда. Каталония клуби раҳбариятининг фикрича, «Бенфика» форварди келажакда Ферран Торрес жамоани тарк этса ёки «Атлетико» сафида тўп сураётган Хулиан Альваресни олиб келиш амалга ошмай қолса, ўрнини босиши мумкин бўлган номзодлардан бири ҳисобланади. Бу ҳақда AS нашри хабар берди.

Манба маълумотига кўра, 27 ёшли Павлидис «Барселона»нинг қисқа рўйхатига киритилган. Бироқ уни қўлга киритиш осон бўлмайди. «Бенфика» ўз етакчисини сотиш ниятида эмас. Яқинда Павлидис Европа Лигаси саралаш босқичи учрашувида рақиб дарвозасига тўртта гол ургани ҳам клубнинг бу позициясини мустаҳкамламоқда.

Ўтган мавсумда Павлидис 30 та гол уриб, жамоасининг энг самарали футболчисига айланди, шунингдек, 6 та голли узатма муаллифи бўлди. Transfermarkt портали грек ҳужумчисининг бозор қийматини 28 миллион евро атрофида баҳоламоқда.