"Барселона" бош мураббийлиги учун асосий даъвогар маълум бўлди

"Барселона"нинг янги бош мураббийи Бельгия терма жамоаси устози Роберто Мартинес бўлиши мумкин. Бу ҳақда Football Espana нашри хабар тарқатмоқда.

Юқоридаги манбаага кўра 45 ёшли испаниялик мутахассис “кўк-анор ранглилар”нинг истеъфога чиқиши айтилаётган бош мураббийи Эрнесто Вальверденинг ўрнига асосий номзод сифатида тилга олинмоқда.

Эслатиб ўтамиз, бундан аввалроқ каталонияликлар ушбу лавозимга Рональд Куман (Голландия терма жамоаси), Эрик тен Хаг ("Аякс") ва Массимилиано Аллегри (ишсиз) каби мутахассислар номзодини ҳам кўриб чиқишаётгани ҳақида хабарлар тарқалган эди.

Маълумот учун, Мартинес Бельгия терма жамоасини 2016 йилдан буён бошқариб келмоқда. Бельгияликлар унинг қўл остида ўтган йил Россияда бўлиб ўтган мундиалда бронза медалларини қўлга киритишди.