“Барселона” бу футболчи билан янги шартнома имзолаши тасдиқланди

Иқтидорли ярим ҳимоячи Гави кейинги мавсумларда ҳам "Барселона"да ўйнашда давом этади. Бу ҳақида Каталония клуби спорт директори лавозимини ишлаб келаётган Матеу Алемани маълум қилди.

"Гави 100% "Барселона"да ўйнашни давом эттиради. У бошқа жамоага ўтиш ҳақида ўйламаяпти. Биз аллақачон янги шартнома борасида бир қарорга келганмиз. Ишонаманки, яқин орада бу ҳақида расман маълум қилинади”, — дейди Алемани.

Гавининг "Барселона" билан шартномаси 2023 йилнинг июнь ойи охиригача амал қилади.

17 ёшли испаниялик футболчи ўтган мавсум "Барселона"нинг асосий жамоаси таркибида 46 та ўйин ўтказиб, ўз ҳисобида иккита гол ва олтита голли ёздириб қўйишни уддалаган.