“Барселона”: Бу очкўз футболчини сотиб қутилмасак бўлмайди!

Каталония клуби раҳбарияти Усмон Дембелега таклиф қилинган янги шартномани қайтариб оладиган бўлди. Ўзи истаган маошга эриша олмаган франциялик ҳужумкор футболчи ёзгача Каталонияда қолиб,  клубни эркин агент сифатида тарк этишга қарор қилди.

Маълумки, Дембеле беш йиллик шартнома учун “Барселона”дан 200 миллион евро ва шартнома имзолагани учун яна 20 миллион евро бир марталик бонус талаб қилмоқда.

Молиявий инқироздан чиқа олмаётган клуб унинг талабини қабул қилгани йўқ.

Энди каталонияликлар маълум миқдорда маблағга эга бўлиш учун Дембелени январь ичи сотиб юбормоқчи. Шу мақсадда, улар ўйинчининг авалдаги шартномасида белгиланган 500 миллион евро миқдоридаги бадал пулини пасайтиради.  

Агар қишки трансферлардан Дембелени сотиб юбориш режаси амалга ошмаса, Хави Эрнандес мавсум охиригача истеъдодли футболчини захирага михлайди.