"Барселона" бу ёзда "Борнмут" ҳужумчисини сотиб олмоқчи

«Барселона» раҳбарияти ёзги трансфер ойнасида «Борнмут» таркибида тўп сураётган ёш француз ҳужумчиси Эли Жуниор Крупини жамоага олиб келиш имкониятини кўриб чиқмоқда.

ESPN тарқатган маълумотларга кўра, каталонияликлар 20 ёшли форвардга жиддий қизиқиш билдирган. У ўтган мавсумда Англия чемпионатида «Борнмут» сафида ўзини яхши томондан кўрсатиб, мутахассислар эътиборини тортган. «Барселона» вакиллари Крупини сотиб олиш бўйича шартлар, жумладан, эҳтимолий битимнинг молиявий жиҳатларини ҳам ўрганиб бўлган. Таъкидланишича, мутахассислар ёш ҳужумчининг трансфер қийматини тахминан 70 миллион евро атрофида баҳоламоқда.

Эслатиб ўтамиз, ўтган мавсумда Эли Жуниор Крупи Англия премьер-лигасида «Борнмут» таркибида 33 ўйин ўтказиб, 13 та гол урди ва беш бор огоҳлантириш карточкасига дуч келди.