"Барселона" бунга шубҳа қилмоқда

Қишки трансферлар ойнасида "Астон Вилла" сафига ижара асосида келиб қўшилган бразилиялик плеймейкер Филиппе Коутиньо кучли ўйин намойиш эта бошлади. 

У АПЛ доирасидаги 3 та ўйинда 2 та гол ва 2 та голли узатма муаллифига айланиб улгурди. "Diario Sport" нашрининг хабарига кўра, "кўк-анорранглилар" Англия клуби Коутиньони 40 миллион еврога сотиб олишига ишонмаяпти.

"Астон Вилла" Филиппени ўз сафида олиб қолишга қарор қилса, "Барса" унинг нархини 25-30 миллионгача туширишга тайёр. 

Эслатиб ўтамиз, бразилиялик ярим ҳимоячи мавсум сўнггига қадар 40 миллион еврога сотиб олиш ҳуқуқи билан "Барселона"дан бирмингемликлар таркибига ўтганди.