"Барселона" чап қанот ҳимоясини кучайтирмоқчи — Канселу асосий вариант

"Барселона" ёзги трансфер ойнасида жамоанинг чап қанот ҳимоя чизиғини кучайтиришни режалаштирмоқда.

"Кўк-анорранглилар" "Ювентус" ҳимоячиси Андреа Камбьясога қизиқиш билдирмоқда, бироқ клубда 26 ёшли италиялик асосий вариант сифатида кўрилмаяпти. Mundo Deportivo нашрига кўра, бунга футболчининг юқори қиймати — тахминан 50 миллион евро сабаб бўлмоқда.

Каталонияликлар учун устувор вариант сифатида эса Жоау Канселу қолмоқда. Клуб "Ал-Ҳилол"дан португалиялик ҳимоячини тўлиқ сотиб олишни режалаштирмоқда.

Канселу ўтган мавсумнинг иккинчи ярмида "Барселона"да ижара асосида ҳаракат қилган. 32 ёшли футболчи Каталонияга қайтишни хоҳлаётгани ҳақида ҳам кўплаб хабарлар тарқалган, бироқ ҳозирча "Ал-Ҳилол" билан расмий келишувга эришилмаган.