"Барселона" "Челси" футболчисини сотиб олмоқчи

"Барселона" "Челси" футболчиси Педру Нету билан шартнома тузишни режалаштирмоқда. Бу ҳақда "Fichajes" нашри хабар бермоқда.

Манбада ёзилишича, агар Рафинья клубни тарк этишга қарор қилса, Нету унинг ўрнини эгаллаши мумкин бўлган вариантлардан бири ҳисобланади. Португалиялик футболчининг трансферини "кўк-анорранглилар"нинг спорт директори ҳам қўллаб-қувватламоқда. 

Педрунинг "аристократлар" билан амалдаги шартномаси 2031 йилгача амал қилади. Унинг ҳозирда "Трансфермакт" порталидаги нархи 55 миллион еворга баҳоланмоқда. 

Эслатиб ўтамиз, 25 ёшли футболчи жорий мавсум Лондон клуби сафида 16 та учрашувда майдонга тушиб, 4 та гол  ва 2 та голли узатмани ўз номига ёздириб қўйган.