"Барселона" "Челси" кўзлаётган футболчини ўз томонига оғдириб олмоқчи

“Порту” клуби чап қанот ҳимоячиси Алекс Теллес “Барселона”нинг қизиқишлар доирасига кириб қолди.

Sport.es нашрининг ёзишича, “кўк-анор ранглилар” Италия фуқароси бўлган 27 ёшли бразилиялик футболчининг вакиллари билан аллақачон алоқага чиқишган. Айтиш керакки, Теллеснинг “Порту” билан амалдаги шартномаси 2021 йилнинг ёзига қадар имзоланган ва у ушбу келишувни узайтиришни хоҳламаяпти. Унга "Челси"дан ҳам қизиқишлар бор.

Алекс Теллес жорий мавсум “Порту” сафида 36 та ўйинда майдонга тушди ва 8 та гол ҳамда 5 та голли узатмага муаллифлик қилишга эришди. Унинг товон пули 40 млн еврони ташкил этади.