“Barselona” de Yongdan qutulish yo‘lini topdi

"Barselona" kelgusi transfer oynalarini o‘z tarkibini kuchaytirish ustida ishlamoqda. “Todo Fichajes” xabariga ko‘ra, "ko‘k-anorranglilar" 29 yoshli Joshua Kimmix bilan shartnoma imzolashi mumkin.

Manbaga ko‘ra, "Bavariya" qishki transfer oynasida Kimmix bo‘yicha muzokaralar olib bormoqchi. Agar, "Barselona" de Yongning transferi bo‘yicha o‘z talablarini pasaytirsa, myunxenliklar Joshuani Frenkiga almashishga rozi bo‘lishadi.

Niderlandiyalik yarim himoyachiga anchadan beri Bundesliga grandi qiziqish bildirmoqda, ular bunday vaziyatdan unumli foydalanmoqchi.

Eslatib o‘tamiz, Joshua Kimmixning amaldagi shartnomasi 2025 yilning o‘rtalariga qadar, Frenki de Yongning shartnomasi esa 2026 yilning o‘rtalariga qadar tuzilgan.