"Barselona" de Yongdan tezroq qutulishga umid qilmoqda

Ispaniyalik jurnalist Elena Kondisning xabar berishicha, "Barselona" rahbariyati jamoa yarim himoyachisi Frenki de Yongni qo‘yib yuborishga tayyor.

Uning so‘zlariga ko‘ra, niderlandiyalik futbolchi "Barsa"da o‘ynashni davom ettirmoqchi, ammo klub uni jamoani tark etishga ko‘ndirishga umid qilmoqda.

Eslatib o‘tamiz, De Yongning “Barselona” bilan amaldagi shartnomasi 2026-yilning 30 iyuniga qadar tuzilgan.

De Yong o‘tgan mavsum “Barselona” safida jami 45 ta o‘yinda maydonga tushdi va 4 ta gol urdi. Unga “Manchester Yunayted”dan jiddiy qiziqish mavjud.