"Барселона" ЕЧЛ учун кураша оладими? Агуэро жавоб берди

"Барселона" собиқ футболчиси Серхио Агуэро Роберт Левандовски трансфери ҳақида гапирди. 

"Левандовски - топ даражадаги ҳужумчи. У "Барса" учун кўплаб голлар уради. Бу каби футболчилар "кўк-анорранглилар" сафида голлар уриш учун етарлича имкониятга эга бўлади. 

Клубга келган пайтим, захира ўриндиғи у қадар ҳам катта эмасди, ҳозир эса ажойиб жамоа йиғилган. Айниқса, ярим ҳимояда шунчаки супер. 

Албатта, янги мавсумда Чемпионлар лигаси учун курашиш қийин бўлади. Шундай бўлса-да, ҳаракат қилиб кўрса бўлади. Келгуси мавсум эса ҳамжиҳатлик кучаяди ва имконият яна ҳам кўпроқ бўлади", - деди аргентиналик футболчи.