"Barselona" Eda Shirana logosi tushirilgan forma bilan "El-Klasiko"da ishtirok etadi

2022 yil mart oyida "Barselona" va Spotify o‘rtasida shartnoma imzolandi va shu vaqtdan beri klub formalarida bir nechta noodatiy tajribalar amalga oshirildi.

Spotify logosi "Barselona" formalarida asosiy homiy hisoblanadi, lekin ba’zan formalar mashhur artistlar logosi bilan bezatiladi. Hozirgacha olti mashhur musiqachi — Dreyk, Koldpley, Karol Ji, Ze Rolling Stouns, Rosaliya va Trevis Skott logotiplari tushirilgan formalarda futbolchilar maydonga tushdi. Klub ushbu maxsus liboslarda "Real Madrid"ga qarshi o‘yinlarda qanday natija qayd etganini ko‘rib chiqamiz.

Dreyk — 16 oktyabr 2022
Natija: "Real Madrid" 3-1 "Barselona"

"Barselona" Spotify bilan shartnomaning birinchi yilida, Dreyk’ning 50 milliard tinglashga erishganini nishonlash uchun repperning "October’s Very Own"logosini formaning oldi qismiga joylashtirdi. Ammo natija omadsiz bo‘ldi va yakunlanishida madridliklar 3:1 hisobida g‘alabani qo‘lga kiritdi.

Rosaliya — 19 mart 2023
Natija: "Barselona" 2-1 "Real Madrid"

Rosaliya "Motomami" albomining bir yillik yubileyini nishonlash uchun logosi kataloniyaliklar libosining bir qismiga tushirildi. Barsa bu o‘yinda "Real Madrid"ni 2:1 hisobida mag‘lub qildi. Gollar Sergi Roberto va Frank Kessie tomonidan kiritildi.

Ze Rolling Stouns — 28 oktyabr 2023
Natija: "Real Madrid" 2-1 "Barselona"

Lamine Yamalning Klassikoda debyuti va musiqachilar guruhi ramzi bilan formaning oldi qismida ilk marta namoyon bo‘ldi. Bu dizayn 18 yildan keyingi yangi albom chiqishi bilan bog‘liq edi. Ushbu bahsda "Real Madrid" "Barselona"ni 2:1 hisobida mag‘lub qildi. Reklama natijasida Ze Rolling Stouns’ning Spotify’dagi tinglashlar soni 125% ga oshdi.

Karol Ji — 21 aprel 2024
Natija: "Real Madrid" 3-2 "Barselona"


Karol Ji’ning "Barbed-Wire Heart" logosi "El-Klasiko"da libosning bezagiga aylandi. Spotify bu dizaynni “o‘yinni o‘zgartiruvchi va keyingi avlodga ilhom beruvchilarni nishonlash” deb ta’rifladi. "Real Madrid" Bellingemning oxirgi daqiqadagi goli orqali g‘alabani qo‘lga kiritdi.

Koldpley — 26 oktyabr 2024
Natija: "Barselona" 4-0 "Real Madrid"


Koldpley’ning "Moon Music" albomi "Barselona"ga ilhom manbai bo‘ldi. Hansi Flik shogirdlari bu o‘yinda dominant o‘yin namoyish etib, "El-Klasiko"ni katta hisobda yutdi.

Trevis Skott — 11 may 2025
Natija: "Barselona" 4-3 "Real Madrid"

La Liga doirasida o‘tkazilgan bahsda Trevis Skott’ning "Cactus Jack"logosi libosning ko‘rkini yanada boyitdi. Reper o‘yindan bir kecha oldin "Barselona"da kontsert bergan edi. Uchrashuvda "Real Madrid" 2-0 hisobida oldinga chiqqan edi, ammo "Barselona" kambek amalga oshirib, tarixda ilk bor ikki EEl-Klasiko" ketma-ket artist logosi tushirilgan bahsda g‘alabaga erishdi.

Klub ushbu reklama va maxsus dizaynlar orqali turli manbalarda keltirilishicha, 280 mln evrodan 435 mln evrogacha daromad olgani ko‘rsatilgan.