"Барселона" етакчи футболчисидан айрилди

"Барселона" клубининг марказий ҳимоячиси Эрик Гарсия сафдан чиқди. Бу ҳақда клуб матбуот хизмати хабар тарқатмоқда.

Юқоридаги манбага кўра, 21 ёшли испаниялик футболчи кеча Ла Лиганинг 25-туридан ўрин олган "Валенсия"га (4:1) қарши ўйинда жароҳат олган.

Унинг тикланиш вақти ҳозирча номаълум. Шу сабабли Гарсиянинг 24 февраль куни Европа лигаси 1/16 финал босқичи доирасида “Наполи”га қарши бўладиган жавоб баҳсида иштирок этиши сўроқ остида.

Жорий мавсумда Гарсия "Барса" сафида 23 та ўйин ўтказди.