"Барселона" етакчиси "Реал"га қарши ўйингача майдонга қайтмоқчи

“Барселона”нинг франциялик ҳимоячиси Жюль Кунде “Реал”га қарши принципиал ўйин олдидан ўз фикрлари билан ўртоқлашди. Франция терма жамоаси таркибида жароҳат олган ҳимоячи "қироллик клуби"га қарши беллашувгача майдонга қайтишдан умидвор. 

"Менинг аҳволим яхши. Ушбу ўйингача майдонга қайтишга ҳаракат қиламан", - деди Кунде.

Эслатиб ўтамиз, Жюль УЕФА Миллатлар лигаси доирасидаги Австрияга қарши ўйинда майдонни эрта тарк этди. Ҳимоячи "Барселона"нинг сўнгги икки ўйинини ўтказиб юборди.

Ундан ташқари Хави Эрнандес Андреас Кристенсен, Эктор Бельерин ва Роналд Араухо каби футболчиларнинг ҳам хизматидан фойдалана олмайди. "Эл-классико" 16 октябрь куни "Сантьяго Бернабеу"да бўлиб ўтади.