"Барселона" фақат бир шарт билан Неймарни ортга қайтариши мумкин

"Барселона" раҳбарияти ПСЖдаги собиқ форварди Неймарни фақат бир шарт билан ортга қайтаришга рози бўлишини айтди.

El Mundo Deportivo нашри тарқатган хабарга кўра "кўк-анор ранглилар" 26 ёшли бразилиялик футболчининг яна "Камп Ноу"га қайтиши мумкинлигини истисно қилишмаяпти. Фақат, агар Неймар чиндан ҳам "Барса"га қайтишни истаса, бунинг учун аввал тўланмаган бонуслар учун клубни судга бергани ва раҳбариятни ҳақорат қилгани учун кечирим сўраши керак.

Эслатиб ўтамиз, бундан аввалроқ Неймар кеча "Барселона" базасига ташриф буюргани ва собиқ жамоадошлари билан бўлган суҳбатда ПСЖга ўтиш фаолиятидаги энг нотўғри қарор бўлгани ҳақида айтгани ҳақида хабарлар тарқалган эди.