"Барселона" футболчиси "Эл-класико"га тайёрланмоқда, аммо унинг майдонга тушиш эҳтимоли паст

"Барселона" ҳимоячиси Андреас Кристенсен "Реал Мадрид"га қарши бўладиган "Эл-класико"гача майдонга қайтиш учун шошилмоқда. Бу ҳақда "Diario SPORT" хабар берди.

Бироқ даниялик футболчининг ушбу ўйинга қайтиши эҳтимоли паст деб баҳоланмоқда. Кристенсен 29 апрелдан буён машғулотларда иштирок этмоқда, аммо "Барселона" тизза жароҳатидан сўнг унинг ҳолатига эҳтиёткорлик билан ёндашмоқда.

Агар у тиббий рухсат олса ҳам, "Реал Мадрид"га қарши ўйинда майдонга тушиши эҳтимолдан йироқ. Шу билан бирга, унинг клубдаги келажаги ҳали ҳам ноаниқ бўлиб қолмоқда.

Маълум қилинишича, "Барселона" унга маоши камайтирилган янги шартнома таклиф қилган, аммо футболчи ҳозиргача жавоб бермаган.

Ла Лига 35-тур доирасидаги "Барселона" — "Реал Мадрид" учрашуви 10 май Тошкент вақти билан 00:00’да старт олади.