"Барселона" футболчиси фаолиятини А Серияда давом эттириши мумкин

Каталониянинг "Барселона" клуби шарафини ҳимоя қилаётган даниялик ҳимоячи Андреас Кристенсен фаолиятини Италия чемпионатида давом эттириши мумкин. Бу ҳақда Fichajes журналистлари хабар бермоқда.

Манбага кўра, 29 ёшли футболчининг трансферига қизиқиш билдираётган клуб бу "Милан".

 "Россонери" раҳбарияти ёзги трансферлар ойнаси ёпилгунга қадар келишувни расмийлаштиришни режалаштирмоқда. "Кўк-анорранглилар" музокаралар олиб боришга тайёр ва даниялик учун 30 миллион евролик нархни эълон қилиб бўлган.

Андреас 2022 йил ёзидан бери "Барселона" футболчиси ҳисобланади. Ҳимоячининг каталонияликлар билан амалдаги шартномаси 2026 йилнинг июнида ўз ниҳоясига этади. Унинг бозор қиймати 12 миллион еврога баҳоланмоқда.