"Барселона" футболчиси Фликнинг кучли томонини айтди

"Барселона" ярим ҳимоячиси Дани Ольмо жамоа бош мураббийи Ханс-Дитер Фликнинг фаолиятига юқори баҳо берди. Таъкидлаш керакки, "кўк-анорранглилар" немис мутахассиси қўл остида дастлабки ойларни муваффақиятли ўтказишди. Жамоа ёрқин, самарали футбол намойиш этган ҳолда Ла Лига турнир жадвалида пешқадамлик қилмоқда.

“Флик ўз фикрларини зўр ифодалайди – жамоа унинг ғояларини мукаммал тушунади. Мураббий ҳамма нарсани тўғри бажаряптими, демак биз ҳаммамиз бир сафдамиз. Бошқа одамлар сингари, Флик ҳам баъзида ҳазиллашиб, кулиши мумкин, лекин у жуда талабчан. Иш вақтида, биз бу масалага жиддийлик билан ёндашамиз”, - деди испаниялик футболчи.

Ханс-Дитер Флик "Барселона"ни жорий йил ёзида қабул қилиб олди. У бунгача Мюнхеннинг "Бавария" клуби ва Германия терма жамоасида фаолият юритган.