"Барселона" футболчиси клубни тарк этишга рози

"Барселона" сафида тўп сураётган Ансу Фати ёзда жамоани тарк этиши кутилмоқда. Бу ҳақда таниқли журналист Фабрицио Романо хабар берди.

Унга кўра, Фатини "Монако" клуби сотиб олишга тайёр ва футболчининг ўзи ҳам бу трансферга рози. Ҳозирда клублар ўзаро трансфер суммаси бўйича музокара олиб бормоқда. Французлар ҳужумчи учун 20 миллион евродан камроқ тўлашни режалаштирмоқда.

Маълумот учун, 22 ёшли футболчи жорий мавсумда каталонияликлар сафида барча мусобақаларда жами 11 ўйинда майдонга тушди. Ансу ушбу ўйинларда гол урмаган ва голли узатма ҳам бермаган.