Норчаев порлаган учрашувда Ўзбекистон йирик ғалабага эришди

Ўзбекистон терма жамоаси ФИФА халқаро ойнаси доирасида Сирия терма жамоасига қарши навбатдаги назорат учрашувини ўтказди.

Беллашув 1 октябрь куни Тошкентдаги «Пахтакор» стадионида бўлиб ўтди. Майдон эгалари йирик ҳисобда ғалаба қозонишди — 4:1.

Ҳисоб 27-дақиқада очилди: Шерзод Эсанов Хусаин Норчаевнинг аниқ узатмасидан сўнг дарвозани ишғол этди. Танаффус олдидан, 45-дақиқада Акмал Мозговой ўзбекистонликлар устунлигини оширди. Иккинчи тайм бошланиши билан, 48-дақиқада Норчаев Аббосбек Файзуллаевнинг пасидан кейин учинчи голни урди. Учрашув сўнгги дақиқаларида ҳам голлар қайд этилди: 90-дақиқада Норчаев дубль расмийлаштирди, 90+3-дақиқада эса Сурия жамоаси битта жавоб голини урди.

24 сентябрь куни ўтказилган аввалги назорат учрашувида ҳам Ўзбекистон терма жамоаси ишончли ўйин намойиш этган ва Эронни 3:1 ҳисобида мағлуб этган эди. Сурия учун эса бу мағлубият 27 сентябрда Иорданияга қарши 1:1 ҳисобидаги дурангдан кейинги навбатдаги ўйин натижаси бўлди. Ундан олдин сурияликлар Беларусь терма жамоасига 1:4 ҳисобида имкониятни бой берган эди.

Ўзбекистон терма жамоасининг навбатдаги ўйини 6 октябрь куни сафарда Жанубий Кореяга қарши бўлиб ўтади.