"Барселона" футболчисини АПЛга қўйиб юбормади

Каталониянинг "Барселона" клуби раҳбарияти жамоа ҳимоячиси Мусса Вагени таркибда сақлаб қолишга қарор қилди.

Goal.com тарқатган хабарга қараганда 21 ёшли сенегаллик футболчига бир қатор АПЛ клубларидан таклифлар бўлган. Аммо, “Барса” раҳбарияти ушбу таклифларнинг барчасида рад жавобини берган.

Маълумот учун, Ваге жорий мавсум “Барселона”да 3 та ўйинда майдонга тушди. Унинг клуб билан амалдаги шартномаси 2023 йилга қадар имзоланган.