"Барселона" ҳимоячиси учун А Сериянинг икки клуби кураш олиб боради
"Барселона" ва Дания терма жамоаси ҳимоячиси Андреас Кристенсен жамоани тарк этиши мумкин. Бу ҳақда "Futbol Espana" нашри хабар берди.
28 ёшли ҳимоячига Италиянинг "Ювентус" ва "Интер" клублари қизиқиш билдирмоқда.
"Кўк-анорранглилар" ҳам футболчини сотишга қарши эмас. Мудофаа чизиғида рақобат бўлиши учун клуб янги марказий ҳимоячи билан шартнома имзоламоқчи. Бироқ, футболчининг ўзи "Барселона"да қолмоқчи.
Маълумот учун, Каталония клубининг даниялик ҳимоячи билан амалдаги шартномаси 2026 йилнинг ярмида ўз ниҳоясига етади.
Фикрлар