“Барселона” ҳимоячиси "Валенсия"га қарши ўйинни ўтказиб юборади

“Барселона” клуби ҳимоячиси Томас Вермален жамоасининг яқин вақт ичида бўладиган ўйинларида майдонга туша олмайди, дея хабар беради Mundo Deportivo нашри.

Манбада ёзилишича, каталонияликлар устози Эрнесто Вальверде футболчининг соғлиғи борасида таваккал қилмоқчи эмас. Шунинг учун унга дам олиш учун қўшимча вақт бермоқчи.

Шу сабаб Вермален “Валенсия” ва Испания чемпионати 23-тур доирасида “Хетафе” билан бўладиган ўйинларда жамоасига ёрдам бера олмайди.