«Барселона» ҳужумчиси «ПСЖ» билан шартнома бўйича келишиб олди

«Барселона» ҳужумчиси Ферран Торреснинг «ПСЖ»га трансфери якунланиш остонасида. Бу ҳақда футбол бўйича инсайдер Никола Скира хабар берди.

Манба маълумотига кўра, испаниялик форвард парижликлар билан шахсий шартнома шартларини келишиб олган. Томонлар ўртасидаги битим 2031 йил ёзигача мўлжалланган.

Эндиликда «ПСЖ» расман «Барселона»га мурожаат қилиб, футболчини сотиб олиш бўйича таклиф юбориши кутилмоқда. Ферран Торрес Англия Премьер-лигаси клублари ўрнига айнан парижликларнинг таклифини қабул қилишга қарор қилган.