“Барселона” иккита юлдузини сотишга тайёр

"Барселона" келаси ёзда ҳимоячилар Алекс Бальде ва Жюль Кундени сотишга тайёр. “Кўк-анорранглилар” янги ўйинчиларни сотиб олиш учун сотувлардан фойда олишлари керак. Бу ҳақда Sport.es хабар бермоқда.

Манба маълумотларига кўра, Каталония клуби жамоа таркибини сезиларли даражада ўзгартирмаган ҳолда бир нечта йирик трансферларни амалга оширишга ҳаракат қилмоқчи. Бозорда Бальдега ҳам, Кундега ҳам катта қизиқиш бор. Хусусан, "Манчестер Юнайтед" Бальдега қизиқиш билдирмоқда. "Барселона"нинг ҳисоб-китобларига кўра, ҳимоячи 50 миллион евродан кўпроқ туриши мумкин.

Кунде клубда бахтли ва уни тарк этишни хоҳламайди. Аммо “Барса”, агар унинг эҳтимолий трансфери бўйича таклиф келиб тушса, уни кўриб чиқишга тайёр.