«Барселона» Жоау Фелишнинг қайтиш режасига муносабат билдирди

«Барселона» Жоау Фелишнинг клубга қайтиш эҳтимолига муносабат билдирди. Журналистлар маълумотига кўра, каталонияликлар 26 ёшли ҳужумчини ўз сафига қайтаришни ҳозирча устувор мақсад сифатида кўрмаяпти, аммо бундай эҳтимолни ҳам тўлиқ инкор этмаяпти.

Манбага кўра, «Барселона» мавсум якунида ҳужум чизиғини кучайтиришга эҳтиёж бор-йўқлигини таҳлил қилади. Шундан сўнг эркин агентга айланиши мумкин бўлган Фелишни жамоага таклиф қилиш масаласи кўриб чиқилади.

Аввалроқ Фелиш Европага қайтиш ва Чемпионлар лигасида иштирок этувчи клубда тўп тепишни истаги маълум бўлганди. Унинг устувор варианти сифатида «Барселона» кўрсатилган.

Фелиш 2023/24 йилги мавсумда «Барселона» сафида ижара асосида тўп тепган. У каталонияликлар таркибида 44 та учрашувда майдонга тушиб, 10 та гол урган ва 6 та голли узатмани амалга оширган.