“Барселона” келажаги ҳисобланган Фати Мессидан юз ўгирди

Каталонияликларнинг 17 ёшли тарбияланувчиси Ансу Фати Родриго Мессининг агентлик хизматларидан воз кечиб, Криштиану Роналдунинг агенти Жорже Мендеш билан ишлайдиган бўлди.  

Родриго “Барса” етакчиси Лионель Мессининг туғишган акасидир. Фати бу қарорига ҳеч қандай изоҳ бермади.

Якунланган мавсумда Ансу Фати жами турнирларда 33 та учрашувда майдонга тушди ва саккизта голга муаллифлик қилди. Унинг каталонияликлар билан шартномаси 2022 йилгача амал қилади. Клубда бу келишувни яна икки мавсумга узайтириш ҳуқуқи бор.