“Барселона” курашдан чиқди

“Барселона” мутасаддилари Европанинг бир қатор грандлари кўз тиккан 16 ёшли ҳужумчи Эндрик учун курашмайдиган бўлди.

“Палмейрас” жамоаси тарбияланувчиси учун курашда “Реал” яққол фаворитга айлангани боис, каталонияликлар курашдан чиқишга қарор қилди.

Мадридликлар ва ПСЖ жаҳон футболининг юлдузига айланиши кутилаётган Эндрик учун катта сумма тикишга тайёрлиги айтилмоқда.   Каталонияликларнинг молиявий салоҳияти ёш футболчи учун катта харажат қилишга имкон бермайди.

“Барселона” бир неча йилдан бери давом этиб келаётган иқтисодий муаммоларни бартараф эта олмаяпти. Шу  боис клуб раҳбарияти асосий эътиборни эркин агент мақомини олган таниқли футболчини Каталонияга келишга кўндиришга қаратган.