"Барселона" кутмоқчи эмас

"Барселона" клуби вингер Усмон Дембеле келажаги борасида тезроқ бир қарорга келишини хоҳлаяпти. 

"Mundo Deportivo" хабарига кўра, каталонияликлар янги шартнома бўйича таклифга якуний жавобни шу ҳафтада олишни истамоқда. 

"Барса" франциялик футболчининг жавоби ижобий бўлишига ишонмоқда ва шартномадаги таклиф миқдорини оширмоқчи эмас. 

Қайд этиш лозим, Усмон "кўк-анор ранглилар"дан йиллик 43 миллион евро маош сўраган. У бу мавсумда жами 10 та ўйинда майдонга тушиб, 1 та гол урди 2 та самарали узатмага муаллифлик қилган.