“Барселона” Левандовски ўрнига Англияни ёндираётган ҳужумчини олиб келмоқчи

“Барселона” сўнгги кунларда Роберт Левандовскига ўринбосар сифатида "Ньюкасл Юнайтед" ҳужумчиси Александр Исакни кўзламоқда. 
 
Каталонияликлар форварди Роберт сўнгги ўйинларда муваффақиятли ҳаракат қила олмаётган эди. Шу сабабли, клуб раҳбарлари трансферлар ойнасида янги ҳужумчи сотиб олиш ҳақида ўйламоқда, деб хабар бермоқда “Mundo Deportivo” нашри. 
 
Унга кўра, ҳозирда “кўк-анорранглилар” “Ньюкасл” клуби футболчиси ҳисобланган Исакни энг яхши вариант сифатида кўрмоқда. Бироқ, англияликлар форварддан яхшигина сумма ишлаб олишни мақсад қилиб қўйган. Агарда қишки трансферлар ойнасида янги таклифлар келиб тушса, швециялик ўйинчини 150 миллион евро атрофидаги суммага қўйиб юбориши мумкин. 
 
Маълумот ўрнида, 25 ёшли ҳужумчи бу мавсум 22 та ўйинда иштирок этиб, 15 та гол ва 4 та голли узатмага муаллифлик қилган. Унинг клуб билан шартномаси 2028 йилгача мўлжалланган бўлиб, Тransfermarkt порталидаги нархи 75 миллион евро деб баҳоланмоқда.