"Барселона" Ляказеттга қизиқиб қолди

Лондоннинг "Арсенал" клуби форварди Александр Ляказетт “Барселона”нинг қизиқишлар доирасига кириб қолди. Бу ҳақда Mundo Deportivo нашри хабар тарқатмоқда.

Юқоридаги манбаага кўра каталонияликлар 27 ёшли француз футболчиси билан ўзларининг ҳужум чизиқларини кучайтиришмоқчи.

Маълумот учун, Ляказетт жорий мавсум “Арсенал” сафида 46та ўйинда майдонга тушди ва 18та гол ҳамда 12та ассистга муаллифлик қилди. Унинг “канонирлар” билан амалдаги шартномаси 2022 йилга қадар имзоланган.