"Барселона" "Ман Сити"дан ҳамон қарздор

"Барселона" ҳужумчи Ферран Торреснинг трансфери учун "Манчестер Сити"га яна 52 миллион евро тўлаши керак, деб хабар бермоқда "Catalunya Radio" нашри.

"Кўк-анорранглилар" вингерни 2022 йилнинг қишида сотиб олган. Трансфер суммаси 55 миллион евро ва турли хил бонусларни ўз ичига олади. Каталония клуби Торрес билан 2027 йилнинг июнигача амал қиладиган шартнома имзолаган.

Трансфер амалга оширилган вақтда "Барса" Торрес учун бор-йўғи 3 миллион евро тўлаган эди.

22 ёшли вингер жорий мавсум “Барселона” сафида 7 ўйинда иштирок этиб, ўз ҳисобига битта гол  ва битта голли узатмани ёздириб қўйган.

“Кўк-анорранглилар” навбатдаги ўйинини 1 октябрь, шанба куни “Мальорка”га қарши ўтказади. Учрашув Тошкент вақти билан соат 00.00да бошланади.